Niyatlarimiz va maqsadimiz haqida.

Бизнинг истаклариимиз!

Биз ушбу сахифада Эътикод, Бирлик, Ватанпарварликни таргиб килишни ният килдик. Хар бир кишининг ўзини, ўз кадр - кимматини билиши, унинг инсонлар жамиятида ўз муносиб ўрнини топа олиши мухим инсоний фазилатдир, деб хисоблаймиз. Бирлик, миллий бирлик бизнинг гоямиз асосини ташкил этади. Биз, инсоният хамжамиятида тарихий ўрнимизни муносиб кўрсата олишимиз ва келажагимиз манфаатлари, истикболимиз ва истиклолимиз гарови бизнинг бирлигимиздадир, деб ишонамиз. Ана шу йўлда тинмай мехнат килишни истаймиз ва шундай киламиз. Бизни дўст тутганлардан хам айнан шундай килишларини сўраймиз.
Надоматлар бўлсинким, ўз Ватанида камокхона хаётини яшаётган, биздан бошка яна бирорта миллат дунёда колмади. Шу сабабдан куйида бир катор ниятларни эълон килишни ният килдик.
Кудрат илмда, билимда ва адолатдадир.Кудратимизни, илм ва билимимизни системали ошириш ва доим адолат тарафдори бўлиш асосий максадларимиздан биридир.
Биз, гўзаллик яратишни, мехрибонлик ва эзгуликни таргиб этамиз. Атроф-мухитнинг поклигини саклашда, кишиларнинг бир-бирига мехрибон ва ёрдамчи бўлишида уларга кўмакчи бўлиш, бизнинг буюк вазифамиз ва шиоримиздир!
Биз инсон хак-хукукларини, унинг эрки ва озодлигини юксак даражада кадрловчи демократик принсиплар, фукаровий давлат тузуми тарафдоримиз.
Биз, давлат тузуми хаётнинг барча сохаларида, жамиятда одоб, ахлокни, хушмуомалаликни, инсофни, одамшавандаликни энг устун кўйиши зарур, деб биламиз. Биз ният килган давлат тузумида софлик, ахлок ва одамшавандалик, адолат улугланиб, эхтирос, жиззакилик, манманлик ёки шахсий манфаат бошкарувчи ролга ўтиб колмайди.
Биз ёшлар масаласига, уларнинг тарбияси муаммоларига энг асосий ахамият берамиз.Хар бир халкнинг илгорлиги ва ривожланиши унинг ёшлари олаётган тарбияга чамбарчас богланганлиги хакикатдир.
Шунинг учун фарзандлар ва уларнинг тарбияси масаласини замон даражасида хал етмок бизнинг энг мухим ватанпарварлик бурчимиздир, деб хитоб киламиз!
Бирор халкнинг келажагини билмокчи бўлсангиз, уларда ёшларни тарбиялаш ва таълим-тарбия кандай йўлга кўйилганини кўринг, деган хитобга амал киламиз.
Хар бир халкнинг илгорлиги ва ривожланиши унинг ёшлари олаётган тарбияга чамбарчас боглангандир.
Болаларини тарбия эта олмаган ёки уларни тарбияламаган жамият, келажагини ўз кўллари билан корага буёган бўлади.
Тарбиялаш факат тарбиялиларнинг кўлидан келади, холос. Тарбиячилар эса, юксак малакали, одоб-ахлокли, иймонли ватанпарварлар бўлмоги зарур.
"Сиёсатга аралашмайман”, “сиёсатга аралашма”, демак, “Ватан ишига, миллат ишига аралашмайман, сен хам бу ишга аралашма”, демак бўлиб, бу энг сўнг даражада тахликали бир вазиятдир. Бу “оч корним, тинч кулогим” принсипидан хам тубан бир ахволдир, деб хисоблаймиз.
Куч-кувват билан урнатилган хокимият зулмдир,ўткинчидир.
Яна шуни хам такрор-такрор таъкидламокчимизки, бир халк ичида ўзаро хийлакорлик мавжуд бўлса, у халк бедаво сил хасталигига мубтало бўлгани шудир.
Бир-бирини ёктирмаган(севмаган), фикр-мулохазаларини бир-бирига тушунтира олмаган, бири иккинчисини хуш кўрмаган, бири бошкаси тўгрисида жосуслик киладиган бир миллат, халк узок мустакил яшай олмайди.
Ва нихоят, биз гийбат, ёвузлик ва жохилликдан холимиз!
Атроф-чеврамиздан нодўстни эмас, дўстни излашни истаймиз.
Инсоннинг иззати, номуси-бу энг бебахо кийматдир.
Иззатингизни, номусингизни сакланг, деймиз.
Номусли, Иззатли, Хурматли кишиларнинг Ватани буюк, ўзлари эса, доим бадавлатдир! Хурриятли, озод инсон бўлишга харакат килишдан чарчаманг!
Шарафли ўлим, шармандали хаётдан афзалдир!
Бизнинг хитобимиз: Яратгандан ўзга хеч кимсага тиз чўкманг!.