13
май, Жума куни Андижонда содир этилган хунрезлик, вахшийлик ва
йирткичликнинг жиноятчиси ким ...?
Маълумки, 13-май куни Андижонда
Ўзбекистоннинг бугунги хукумати хисобланмиш Каримов бошлик безорилар
тарафидан мисли кўрилмаган жиноят содир этилди. Матннинг бошида номи
келтирилган маколанинг муаллифи, каминаи факир, у вокеалар хакида 12-май
кечаси Би-Би-Си рус шубаси интернет саити оркали таркатилган хабарни
ўкидим. Экталаб, 13- май куниёк тубандаги фикрни
<samarkanduz.narod.ru>-да эълон килдим (матндаги ранглар хам ўша куни
танланган эди):
12
май кечаси ва бугун(13 май) Андижонда содир бўлган инкилобий
вокеаларнинг илк таассуротлари:
12-кечаси Андижон камокхонасига машиналарда келган куролли кишилар хужум
килишиб, камокхонадагиларнинг хаммасини чикариб юборадилар. Камокхонадан
чакирилган кишилар сони 2000-дан 4 000-гача кишилар эди, дейилаяпти. Бу
жуда кизик холат. Бирок, бу ерда дархол ўз-ўзидан бирнеча саволлар
тугилади: Махбуслар каерга ва кандай
кетишди? Хозир улар каердалар? Улар оз эмас, икки-уч кишилар эмас,
ахир, накд 4000 кишилар-а? Шахар милитсияси ва бошка
хил давлат органлари ходимлари у вакт каерда
эдилар? Камокхонага хужум килганлар кимлар эди? Улардан бирортасининг
исми, турки, рангги, келиб чикиши аникми? Кўчага норозиликка
чикканлардан бирор киши камокхонага хужум килганларнинг бирортасини
танийдиларми? Уларнинг машиналари номерлари, маркалари канака эди? У
машиналар хозир каерда? Гаровга олинган милитсия ходимлари хакида хам
хабарлар таркади. Уларнинг такдирлари нима бўлди, улар хозир каердалар?
Кискаси шунга ўхшаш яна катор саволлар бор. Мана шу саволларга аник,
мантикли жавоб топилсагина, Андижондаги янги вокеалар хакида бирор
хулосага келиш мумкин. Хозир эса, ярим качадаги хужумкор инкилобчилар,
Алматов ва Каримовнинг ўз одамлари эди, деган хулосадан бошкасини айтиш
нотўгри бўларди. Демак, мазкур вокеа президент Каримов идорасида жуда
жиддий ўйлаб тайёрланган, миллатга буюк душманлик режасини амалга
оширишнинг биринчи кадамидир. Зулмни, жабрни бундан кейин томоша
киласиз!!!
Макола,
<muslimuzbekistan.com>-да хам 03.06.05 куни эълон килинди.
Бисмиллахир Рохманир Рохийм
Май ойининг 13-да Андижонда
бўлиб ўтган конли вокеаларни мухокама килиш ўз фаоллигини тўхтатмай
турибди. Бу мавзу жахон матбуот агентлигиларининг
кунлик ва аналитик ахборотлари жадвалида муким ўрин эгаллаб туришда давом
килаяпти. Хакикатан хам бу мавзу хакида жуда
кўп материаллар эълон килиниб улгурилди. Матбуотда эълон килинган
материалларни йигиш мумкин бўлган-да эди, улардан бир неча том китоб
килиш мумкин бўларди. Бирок ўша
материалларни
кузатиб бораркансиз,
катта бир Аммо олдингизда кўндаланг бўлади. У катакон Аммо шундан
иборатки, хеч ким, дунёнинг хеч бир ерида у конли вокеани ташкил
этганларнинг табиати ва хусусиятларини очишга харакат килишмади, харакат
килшмаяптилар. Уларнинг аслида кимлиги хеч кимни заррача кизиктирмаяпти,
шекилли. Шундай карасангиз, Андижондаги конли вокеаларни ташкил этувчи
ва амалга оширувчилар хакида И. Каримовнинг тўкималарига бутун дунё
ишонаётганга ўхшаб колаяпти. Хозиргача ёзилган, эълон килинган
материаллардан шу келиб чикадики, Ўзбекистонда аҳолининг ахволи ёмон,
диний экстримизм кучли. ... Эхтиёт бўлиш керак, акс холда у ерда
исломчилар хокимиятга келиши мумкин. Шундай исломчи гурухлардан бири
Хизб-ут тахрир, унинг бир каноти акрамийлар Андижон кўчаларига
одамларни чакиришган ва х.к. Демак, Каримов нима, деяётган бўлса айнан
шунинг ўзи, бошка хил тилларда, бошка хил сўзларда айтилмокда, холос. Ха,
албатта улар ўлганлар учун бироз ачинишган хам бўлаяпдилар. Бир неча юз
киши бир зумда отиб ташланганини кўришиб хам шундай бўлмасинми, ўзларини
маданий данё одамлари, деб аташадилар, ахир.
Мана шу сабаб, биз вокеаларга
бироз бошка тарафдан карашга бахоли
кудрат харакат
килмокчимиз.
Бу йилнинг бошидан буён
Ўзбекистонда бўлиб ўтган террористик харакатлар хакида матбуотда эълон
килинган материалларга назар солсак, шуларни кўрамиз:
29-мартда
Тошкент шахарида милитсия караули портлатиб
юборилади, Чорток сув омбарини портлатиш хавфи майдонга чикади. ...
Вокеалар, ходисалар у хил ва бу хилда давом этиб,
1-апрелга келиб бироз тинчигандай бўлади. Окибатда, 50 кишидан кўпрок
курбонлар бўлгани хам хабар килинади. Кизиги шундаки, портлашлар
тугаб-тугамай И. Каримов ўзининг кескин хулосаларини элон килиб
улгуради. Унинг фикрича, терактлар мамлакатдан ташкарида 6-8 ой давомида
тайёрланган, улар Наврўз арафасида содир бўлиши керак эди, бирок
синчковлик (яъни Каримовнниг синчковлиги) билан кўрилган чораю- тадбирлар
натижасида террористлар планини бузиш мумкин бўлади. Каримовнинг бу
байнотида вокеа ва ходисалар хакида жўяли бир жавоблар бўлиши ўрнига
факат саволлар чикадиган бўлди. Масалан,
террористлар планини 21- март олдидан
бузиш мумкин бўлган бўлса, нега 29 мартда
у план амалга ошди? Нега бузилган план бунчалар тез
ўз изига тушиб кетди? Саккиз кун олдин бузилган планни амалга
оширтирмаслик нега мумкин бўлмади? Бу саволларни истаган тарафдан
қаторлаштиравериш мумкин. ...
Ўзбекистонда террорнинг олди
олинмайди-да, аммо террор содир бўлгандан кейин уларни содир этганлар
дарҳол топилади ва камокга ташланади, кўз очиб юмилгунича уларнинг
жиноятлари исбот бўлади, жазога хам тортилади. Бу сафар хам шундай
бўлди. Нихояти саккиз кун ичида (2 апрелдан 10 апрелгача) 400 та
террористликда гумон килинганлар
зиндонга ташланди. Кизик, террористлар аксияларини бажариб, бир жойга
йигилишиб, Каримов хукумати милитсиясини кутиб ўтиришганга ўхшайди.
Ўзбекистоннинг тергов ходимлари хам жуда оператив, улар хам шу бир
хафта ичида террористларнинг каерда (Афгонистон ёки араб давлатларида,
албатта) ва кимдан(араб инструкторлардан) таълим олганлари, кандай
халкаро террористик гурухлар билан алокадаликларини (Ал-Коида билан)
хам аниклашади.
1999 йил Тошкентдаги феврал
портлашлари хам айнан шунга ўхшаш бўлган эди. Хали шахарда портлашлар
давом этиб турган вактида, Каримов телевизорга чикиб, террористлар
менга суикасд килдилар, деб эълон килиб улгурди. Портлашлар
эса, Каримовнинг сояси хам тушмайдиган ерларда портлади. Яъни плансиз,
максадсиз, адрессиз, гўдакнинг хам
мантигига мос келмайдиган портлашалр содир
бўлди. Нахотки,
халкаро террористлардан таълим
олганлар шунака
маъносиз портлашлар содир этса??? Хаммасидан
кизиги шундаки, мамлакатнинг бутун худуди бўйлаб террористлар ўйнаб
юришади, истаган вактда жиноятлар содир этишлари мумкин бўлади. Бирок
1999 йили хам, бу йил хам мамлакатнинг ички ва ташки хавфсизлигини
таъминловчи органларда хеч ким масъулиятсизлиги учун жазо олмайди. Бу
хол, бу масалалар хеч кимда шубха уйготмайдими? Мен учун эса жуда
шубхалидир. Чунки хар бир номал давлат тузумида мамлакатда баркарорсизлик
келиб чикмаслиги учун зарур бўлган хамма чоралар олдиндан кўрилади. Шунга
карамасдан бирор фалокат юз берганда, бу учун мамлакат ички ишлар
вазирлиги(энг аввал вазир), миллий хавфсилик бошкармаси( энг аввал бу
бошкарманинг бошлиги) бевосита жавобгар бўлиши лозим бўлади. Бизда нега
бундай бўлмайди ва бўлмаяпти ...?
Энди, 13-май, жума
кунги Андижон вовеаларини хам бироз кузатсак,
нималарни кўриш мумкин? Бизнингча, конли вокеанинг 13-ракамли
ва Жума кунига режалаштирилганлиги
ахамиятли бир белгидир, яъни у
хеч бир тасодиф хол эмас,
деб ўйлашга тўғри келади.
Андижонда вокеалар тахминан
шундай хронолигик тартибда ривожланди: масалан, кўпчилик рус мабуоти
хабарларига кўра, биринчи норозиликлар, бундан бир неча ой илгари
Андижонда Акрамийлар, деб аталган 23 та тужжор устидан ўтказилаётган
макамаларга карши бошланган эди. Норозилик катнашчилари, асосан махкама
бўлаётганларнинг кариндош уругларидан иборат бўлиб, уларнинг сони жуда
оз эдилар. Асли у одамларнинг махкама бўлаётган ерда тўпланишини
норозилик чикиши, деб атаб бўлмайди. Чунки Оллоху таолога шукрки,
бизнинг миллат кўп болали, яъни кўп
қариндошли. Шунинг учун у йигилганлар, асосан махкама
бўлаётганларнинг якин кариндошларидан кўнгул сўрашга келишган кариндиош
уруглар бўлишган.
Яна ўша манбаларнинг ахборот
беришларича, кейинги вактларда, яъни махкаманинг хулосаловчи кунига якин
махкама биноси олдида тўпланган одамлар сони бир неча минг кишига етган
эмишлар. Бирок бундай
маълумотга ишониш шубхалидир. Чунки Каримов хукумати одамларнинг ундай
микдорда тўпланишига йўл кўйиши мукин эмас эди. Борди-ю хакикатан шундай
ҳол мумкин бўлган бўлса, шуердаёк масала ойдинлашиб колади. Демак,
вокеаларнинг шундай ривожланишини, одамлар ёки хали тугилиб улгурмаган
канакадир Акрамийлар эмас, балки хукуматнинг ўзи истаган бўлиши мумкин.
Хатто одамларни махкама олдида кўпрок тўпланишига кандайдир сирли йўллар
билан Алматов ёки Иноятовнинг( ё икковиники биргаликда, Каримовнинг
кўрсатмаси билан, албатта), югуртаклари рагбатлантирган бўлишлари
эхтимолдан узок эмас. Унинг устига ўша манбалар, махкама олдида
йигилганларнинг хеч бири бирор шаклда тартибни бузишга майл
бўлмаганликларини хам билдиришадилар. Кечагина жуда тинчликсевар бўлган
ахоли бир кунда, 11-майдан 12-га ўтиб шунчалар ашаддий вахший бўлиб
колишига ва хатто куролланишига нима мажбур килди ва кандай сабаблар
бўлди? Уч-тўрт ойдан буён давом этаётган махкама жараёнида
Акрамийларнинг курооли ихлосмандлари Нега сезилмади, нега уларга хеч
ким ахамият беришмади? Мамлакатнинг ички ишлар
вазирлиги, миллий хавфсизлик бошкармаси у замон кандай машгулот билан
банд эдилар?
Ха, аслида Ўзбекистонда кейинги
вактларда у ер, бу ерда ўзларининг аянчли яшаш ахволларидан норозилигини
билдириб турганлар учраб турганди. Аммо уларнинг бирининг бошини икки
килмай таркатиб юбориш, катнашчиларни камокка ташлаш хам тўхтамай давом
қилиб турганди. Шундай норозиликлардан энг каттаси май ойининг бошида
Тошкентда АКШ элчихонаси олдида бўлганди. Уларнинг
такдири хам кандай аянчли тугаганини биламиз ва дунё
хам билади. Шундай экан, Каримов хукуматининг
шунчалар золимлигини кўра била туриб, бунчалар кучсиз, ташкилий заиф,
рахбарларининг тайини бўлмаган Андижон митингларини ким ташкил килди?
Кандай режа ва кандай максадда бу ишга кўл урилди? Минглаб одамларни
кўчага чакирган ва чикарган шаввозларда бирор режа, талаблар, окибатда
еришадиган максад бўлмайдими, ахир? Ё улар Андижон шахри кўчасига бирор
тўрт минг одам чикса бўлди, шу билан Каримов хукумати битади, тугайди,
деб хисоблашдими? Шундай хисоблашган бўлсалар, у
одамларни энг ози аввал жиннихонада даволатиш керак.
Шундай килиб, 11- майда жуда
тинч бўлган одамлар, 12- май кечкурунга келиб жангчиларга айланиб
колишади. Хатто 12-май кечаси соати 00.20-да уларнинг ичидан куролланган
бир гурух Андижон вилоят ички ишлар бошкармасининг патрул-постовой
баталионига хужум киладилар, тўрт кишини отиб ўлдиришади, тўрттасини
ярадор килишади ва нихоят 264 дона ўк отиш куролларини, 40-та кўл
гранатасини, 8000 та патронларни ўлжага оладилар. Ана шу маълумотнинг
ўзини озгина тахлил килинса, дархол бу ерда хам бир катор саволлар келиб,
чикади: 1-куролланган гурухнинг сони канча киши эди? 2-Улар кундуз каерда
бўлгандилар ва умуман улар кимлар эди, улар Андижонда яшармидилар?
3-Андижон ички ишлар бўлими, вазирлик, мамлакат хавфсизлик махсус хизмати
шахарда бундай куролланган кишиларнинг бемалол юришига, яшашига кандай
килиб йўл кўйдилар? 4-Нима, у патрул-постовойда
ўтирганлар ўликларми эдилар, бир гурух
безорига хеч кандай
каршилик кўрсата олмабди? 5- 264 ўк отиш
куроли, 40 та граната, 8000 патрон анчагина юкдир. Уни елкага оркалаб
олиб юриш ёки чўнтакка солиб кўйиб бўлмайди. Улар
учун юк машинаси керак эди. У машинанинг ёки
машиналарнинг номерлари, маркалари канака эдилар? 6 - Нихоят у
куролланган гурухдан бирортасининг исми, ранги, тириги ёки ўлиги борми ва
каерда?
Хозиргина саналган ўлжаларни
кўлга олган голиблар бироздан сўнг иккинчи хужумга ўтадилар.
Энди улар мамлакатнинг мудофаа вазирлиги 34-бригадисига
хужум килади. Бу ерда хам хужумчиларга
каршилик сезилмайди. Натижада уларнинг куроллари 53-та автоматга ва яна
2000 та патронга кўпаяди. Курбонлар (иккита харбий, унвонлари хакида
маълумот йўк) ва битта аср, тўккизта яраланганлар хам бор. Каранг, бу
хисобдан кўринадики,
милитсияда саккиз киши,
харбийлар 12 кишидан иборат
экан. Колганлари каерда эдилар? Нима, Андижон шахар ички ишлари бўлими
ихтиёрида минглаб милитсионерлар ишлашмайдими? 34-харбий кисмда факат
12-тагина кишилар хизматда эдиларми? Каранг, на
милитсиянинг патрул-постовойида,
на харбий кисмда,
куролли гурухдан бирортасини ўлдириб ёки ярадор кила олмайди. Бу хол
шубхали эмасми? У гурух канака туткич бермаслар эди ... ?
Ха, энди эслари киради ёки
олдинги ўлжаларни кўтариб юришиб чарчашади шекилли, бу ердан битта
ЗИЛ-130 машинани( бунинг хам маркаси бор-да, номери йўк) хам
ундиришади. Энди ўлжага олинган куролларни олиб юриш тарафи бироз
мантикка якинлаша бошлайди. Кечаси соат бирларда ўлжага олинган машина
билан Андижондаги камокхонага хужум килинади. У ердан 526 махбус чикариб
юборилади. Камокхонада куролли каравуллар бўлмайдими? Хар холда улар
хакида биз кузатган материалларда маълумотлар учрамайди. Яна кизик, вакт
ўтаверади, шахарда факат куролланган Акрамийлар бемалол юраверишади.
Хеч жойга телефон килинмайди, ёрдам чакирилмайди.
Шахар милитсияси оёкка тургизилмайди ва х.к.
ва х.к. Нега,
нега, нега ...?
Шундай килиб, кечаси соати 2-3-ларда
у куроллилар шахар марказига юришни бошлашади. Нихоят
эрталабга якин вилоят хокимиятини эгаллашадилар. Сони
ва таркиби номаълум бир гурух куроллилар кечаси
билан билганини килишади. Бирок вилоят, шахар ички
ишлар, миллий хавфсизлик бошкармалари у кеча нима
иш билан машгул бўлганликлари хакида хозиргача
хеч бир жойда жўяли бир маълумот йўк. Балки улар ойлар давомида Бош
кумондон рахбарлигида уйкусиз туну-кунларни ўтказишиб тузишган мураккаб
ва жиддий режаларининг кандай амалга ошаётганини кузатиб ўтирган
бўлгандирлар-а ...
Хуллас, 13-май, жума куни,
мусулмонларнинг хар хафталик байрами куни, буюк ибодат куни Ислом
дунёсининг мукаддас юрти Туркистоннинг Андижон шахрида гуноҳсиз
мусулмонларга вахшийларча, жинояткорона ўк отилади, уларнинг азиз кони
арик-арик тўкилиши содир бўлади. Яна саволлар: Нега энг аввал кўчада
турган бегунох одамларга хеч бир огохлантирилмасдан ўк узилди? Улар,
куроллилар, деб аталаётганлар хокимият биносида
эди-ку? Куроллилар
кани, улар хозир
каерда? Уларнинг канчаси ўлдирилди, канчаси кўлга олинди? Уларнинг
исмлари борми ўзи? Уларнинг кўчага чиккан одамлар билан алокалари кандай
эди? Кўчага норозиликка чиккан одамлар уларни ёки уларнинг бирортасини
танийдиларми? Бегунох кони тўкилганлардан бирортаси уларнинг бирортасини
танир эдиларми, уларни ўзларига рахбар, деб билармидилар? Улар качондан
буён кўчага намойишга чиккан халкка бошчилик килаётгандилар?
<Gazeta.kz> саитидан олиб,
<centrasia.ru> да босилган Андижон: бу кандай бўлди. Мўътадил
исломчилар бўлмайди(муаллиф: Игорь Дмитриев) , деб номланган, кўпрок
заказ маколага ўхшаб кетадиган материалда (дарвоке, юкорида келтирилган
ракамлар хам шу муаллифдан олинган), 13-май соат 20-ларга якин ўзбек
хокимияти ва эрта тонгда Андижонга етиб келган Ислом Каримовнинг хеч
кандай келишувга кўнмаслигига ишонч хосил килган куролли гурух уч кисмга
бўлиниб, шахардан чикиб кетишга уриндилар, жумласи ёзилади. Аммо бу
жумла хам нукул жумбок. Чунки хозирги замон техникаси билан жихозланган
Бошкумондон Каримов харбийлари юзлаб (кейинги вактларда минглаб дейишга
хам асос чикаяпти) кишиларни кириб ташлаётган бир вактда, уларнинг
шахардан чикиб кетишига йўл кўйдими? Йўк, албатта. У холда, улар кани?
13-май, жумага яна такрор
кайтиб, Андижонда айнан шу куни, мусулмонлар учун мукаддас кун кон
тўкилишининг содир бўлиши тасодиф бўлмай, у вахший душман томонидан
олдиндан атайлаб танланган режанинг окибатидир, деган фикрни ўртага
ташламокчиман. Режани тузганлар, Андижон ахолиси билан, канакадир
акрамчилар билан хеч кандай алокаси йўк ислом душманларидир. Аммо улар
кимлар ... ? У режани вахшийларча, конли ўларок амалга оширган ижрочилар
майдондадир. У вахший
режани тузганлар ким
...? Йирткичларча одамларга ўк узишга буйрук берганларнинг айнан ўзилар,
бу машхум режани тузувчилар хам бўлиши мумкин эмасми? Валлохи,
шундайга ўхшайди ...
И.Каримов бошлигидаги Ўзбекистон
хукумати аталмиш гурухнинг давлатчилик киска тарихида конли кунлар
жуда кўп бўлди. Каримов Ўзбекистон коммунистларининг эндигина рахбари
килиб тайинланганидан Оккургонда тинч ахолини отишга рухсат берилди.
Месхети турклари(кон, дин кардошларимиз)ни батамом Ўзбекистондан чикариб
юбориш учун Тошкент, Самарканд вилоятларида ва Фаргона водийсида
коммунистларнинг намойишларини ташкил килдирилди. 1992 йил бошида
Тошкентда студент галаёнини ташкил килдириш, стулентларнинг
ётокхоналарини укка тутиш, 1999 йилги Тошкент портлашлари ва бошка
портлашлар Каримов хукуматининг органлари томонидан уюштирилганлиги бугун
алохида исбот талаб килмайдиган бир холга келди. Мана бугун янги, янада
очик, янада шафкатсизларча кон тўкилиши
Бунинг хам ташкилотчилари ўта
мавхум, хатто сирли. Андижонга, тинч турган ахолига аявсиз киргин
келтирганлардан бошка хеч ким киритилмади, киритилмаяпти. Нега, нега ва
нега
?
13-майдан бугунгача бўлган барча
хабарлардан шу хам сезилдики, бизнинг Ўзбекистон хукуматига мухолифат
аталмиш Бирликчи, Эркчи, Дехконлар номлари билан юрганлар, канчалаб
хукук химояилари хам вокеалардан 13-куни хабар топишади. Хатто уларнинг
кўпчилиги 14-май куни, Андижондаги конли вокеалар хакида И.Каримов ўзи
хабар берганидан кейин дарак топишадилар. Буниси хам жуда кизик бир хол.
Юкорида келтирган маълумотларга кўра, 11-май куни хам шахар кўчасида
минглаб одамлар тўпланган. 12-куни кун бўйи кишиларнинг
тўпланиши давом этган. Аммо мухолифатчилардан бирортаси у халк олдига
бориб улардан холу- ахвол сўрашмади. Уларнинг нега йигилаётгани, уларни
ким ёки кимлар бу ерга таклиф килишаётганлари, уларнинг нияту-максадлари
нималиги, канака талаблари борлиги билан жиддийрок кизикадиган бирорта
холис одам бўлмади. Нега, нима учун бундай бўлди? Андижондаги
мухолифатчиларимиз 11-12 ва хатто 13 май кунлари каерда эдилар? Аммо 13,
тўгрироги 14-майдан бизнинг у дўстларнинг фаоллиги унча ёмонмас.
Раислар (Бирлик ва Эркнинг раислари) хам бегуноҳ конлар хисобига
ўзларини яна бир бор кўз-кўз килиб олишдилар. Афсуслар бўлсинки,
бугунгача ўзларини мухолифатчилар лидерлари атаб юрганлардан хам, бошка
оддий аъзолардан хам ачинишдан, афсусланишдан бошка бирорта жўяли таклиф
ўртага чикмади.
Андижондаги конли вокеалардан
кейин Каримовнинг киладиган иши аник. Бундан кейин Ўзбекистон халки
бошидаги мусибат яна канака аянчли тус олишини кўриш учун жуда кўп аклга
эга бўлишга ўрин йўк. Бирок бундай гурбатли, мусибатли вактда
мухолифат кандай ишлар
килиши керак
? Яна шундай таркок холда, хар кайсимиз хар жойда
ўзимиз-ўзимизча макола ёзиш, чикиш килиш билан давом этаверамизми ёки
бирор жиддий ишлар хам кила олиш кўлимиздан келадими ё ...?
Ана шунака тугалланмаган
фикрлару, жавобсиз саволарни катаорлашиб ташлаш билан шуерда бир тўхтаб
олишни лозим кўрдим. Азиз ўкувчи, богишланг, хозирча бошка нарса килиш
кўлимдан келмади. Агар менинг жавобсиз сўрокларим, тугалланмаган фикру-
мулхозаларим, сиз азизларга асл жиноятчилар кимлар эканлигини аниклашда
озгина туртки вазифасини бажарар, деган умиддаман.
Вактдан фойдаланиб, Андижонда
курбон бўлганларниниг кориндиошларига чукур тазия билдираман. Ўтганларга
Оллоху таоло рахмат килсин, омин деб дуо килиб
коламан. Уларнинг кўпчилиги, иншооллоҳ, шохид
бўлгандирлар.
Алибой Йўляхши ,
Бирлик халк харакати Самарканд вилоят Кенгаши раисдоши, 1993 йилдан
буён мухожиратда яшайди. 2005 йил 13-31 май кунлари ёзилди.
Яшаш манзили:
IOLIAKSHIEV ALIBOI
SIVLES Gate 3
5059 BERGEN
NORWAY
Бошка белгилар:
Tel.: +47 55 20 04 01 uy.; +47 95 999 658 mobil.
http://www.samarkanduz.narod.ru
Замонимизни
XXI аср,
технология асри, деб аташади,
ахир. Шу сабаб, бу асрда баъзан вокеалар шу кадар тез содир бўладики,
хатто хаёл хам шошади. Бизда хам хаёл шошиш даражасида бўлмаса-да,
юкоридаги макола ёзилган вактдан бугунга кадар ўтган вакт ичида бизнинг
одамларимиз, яъни мухолифчиларимиз орасида хам сезиларли жонланишлар
бўлди. Масалан, 11-июн куни Вашингтонда Ўзбекистондаги мухолиф партиялар,
жамоат ташкилотлари ва хеч кандай ташкилот аъзолари бўлмаган
ватандошларининг Демократик Ўзбекистон Конгресини таъсис этувчилари
биринчи йигилиши бўлиб ўтди. Йигилиш куйдаги баёнотни кабул килди.
Уни бизнинг сахифамиз ўкувчилари учун бу ерда
келтирмокдамиз:
Demokratik O'zbekiston
Kongresi
Ta'sischilar Yig'ilishining
BAYONOTI
Vashington, 6-11-2005
2005 yilning 11 Iyun kuni AQSH
poytaxti Vashingtonda bo'lib o'tgan Demokratik O'zbekiston
ta'sischilarining ilk yig'ilishida turli harakatlar, partiyalar, guruhlar
namoyondalari, siyosiy yetakchilar va xayrixohlar ishtirok etib,
quyidagilarni bayon etishni lozim deb topdilar:
1.O'zbekistonda vujudga kelgan
vaziyat barcha demokratik kuchlarni tarqoqlik, gina-kudrat, o'zaro
kelishmovchiliklarga chek qo'yib, demokratiya maqsadini ko'zlagan
faoliyatlarni muvofilashtirishgan holda amalga oshirishga undamoqda. Ana
shu maqsadda muvofiqlashtirish va maslahat kengashi maqomiga ega bo'lgan
Demokratik O'zbekiston Kongresi(DO'K)ni tashkil etishga qaror berildi.
2.DO'K ta'sischilar yig'ilishi
har qanday qurolli harakatlarga qarshi ekanligini ta'kidlagan holda,
Andijonda qon to'kilishi voqeasini keskin qoraladi, marhumlarning oila
ao'zlariga hamdarlik izhor etib, AQSH hamda Avropa Ittifoqining mustaqil
tekshiruv o'tkazish borasidagi talablarini qo'llab quvvatlashini ma'lum
qildi.
3.DO'K millati, irqi, dinidan,
qayerdaligi, kimligi va qarashlaridan qat'iy nazar demokratiyaga tarafdor
bo'lgan hamda diktaturaga qarshi turishni istagan kuchlarning ixtiyoriy
birligi hisoblanib, kongresdagi barcha munosabatlar teng huquqlilikka
tayanishi e'tirof etildi.
4.DO'K o'z nashrlariga ega
bo'lish, muhim voqealar, demokratiya talablari, inson huquqlari
toptalishi, siyosiy erkinliklar poymol etlishi kabi hollar munosabati
bilan bayonotlar tarqatish, murojaatlar bilan chiqish va demokratiyani
keng yoyishga qaratilgan odimlarni targ'ib etish vakolatiga ega bo'lishi
urg'ulandi.
5.DO'K o'z faoliyati doirasida
irqiy kamsitilish hollarini vujudga keltiradigan, millatlararo tafovutni
keltirib chiqaradigan, millliy va diniy nizolarga bois bo'ladigan har
qanday faoliyatdan oz'ini tiyishi va bunga qarshi chiqishi alohida ta'kid
etildi.
6.Mamlakatda yuzaga kelgan
vaziyatni muhokama etish uchun demokratik kuchlarning keng qatlami
ishtirokida qurultoy o'tkazish maqsadida Ta'sischilar yig'ilishi ishchi
hay'atini saylab, unga barcha ta'sischilar nomidan faoliyat kor'satishni
yukladi.
|
